23 de abril. ARDE O PAZO, Mós - 1809 (XII edición - 2022)

Xa temos o cartel da XII edición de ARDE O PAZO, Mós - 1809.

Un fotón de Miguel Escudero Lago. Compartide!

 

Este ano non ARDE O PAZO

A estás alturas deberamos estar bulindo pola proximidade das datas de celebración da XII edición de "ARDE O PAZO, Mós-1809", que deberíamos festexar o vindeiro 18 de abril.

Non sabemos cando se van a volver a abrir as fronteiras para que poidan vir os "jabachos" e ante esta incerteza temos que suspender a celebración deste ano.

ESTE ANO NON ARDE O PAZO

Queremos transmitir a nosa solidaridade con todas as empresas e traballadores do tecido cultural que ano tras ano participan e fan posible ARDE O PAZO. Tamén aos artesáns, negocios de hostelería e demais empresarios que tódolos anos agardan esta festa tan importante para a súa actividade económica.

Unha aperta tamén a todos os participantes e colaboradores. Desexamos que isto pase canto antes, que todo volva á normalidade e o máis importante:

"Que todos vos coidedes moito para que nos poidamos volver a ver en 2021, con máis ganas de queimar o pazo"

Un saúdo e saúde a todos!

Asociación Cultural

VIAXAMOS NO TEMPO

TRAILER DA CURTAMETRAXE 2019

Este é o trailer da curtametraxe que este ano imos proxectar sobre a fachada do pazo.

XI edición ARDE O PAZO, Mós - 1809

Este é o cartel e a programación.

27 de Abril de 2019, XI EDICIÓN de ARDE O PAZO, MÓS - 1809

XI EDICIÓN de ARDE O PAZO, MÓS - 1809

27 de Abril de 2019.

PROGRAMACIÓN'18 - X edición ARDE O PAZO, Mós-1809

Aquí tedes a programación para a X edición, pensada dentro das nosas posibilidades para que tódolos públicos poidan disfrutar dun bo día de festa e coñezan esta parte da nosa historia local.
Atentos que haberá novidades importantes!

Cartel da X edición de ARDE O PAZO, Mós-1809.

Este ano o cartel está inspirado nos debuxos de Urdezo para darlle visibilidade aos personaxes principais de Mós en 1809, o frade Francisco Giráldez e o caudillo de San Antoíño, José Benito Bernárdez.

E se foran galos serían Girádix e Bernardix pero non,... son galegos, e agora son os ghabachos os que din: ESTES DE MÓS ESTÁN TOLOS!!!

OS FILLOS DO LUME. Que fan dous membros da Alarma de san Antoíño na taberna de Xoana Rial?

OS FILLOS DO LUME. Pedro Feijoó (2017).

Que una novela afonde na nosa historia é algo habitual.

Que o autor lle chame ás cousas polo seu nome non ten prezo e Pedro Feijoó faino dende o principio ata o fin. Chega como exemplo "A guerra de Galicia", denominación acertadísima, que o autor usa para definir aquela loita que os galegos de 1809 mantiveron contra os "javachos" (nin independencia "españolista" nin farrapos de gaita).

Que dous membros da Alarma de san Antoíño aparezan na mitica taberna de Xoana Rial un día antes da reconquista da Vila de Vigo (ata aí podemos ler),... iso,... iso xa merece unha pregaria o ao noso "santo cristiño querido, que non quede ningún".

Foto: Presentación de "Os Fillos do Lume" na librería Libraida (Gondomar) o pasado mes de Santiago.

E precisamente publicamos isto agora, nestas datas, porque... estaredes buscando un agasallo de nadal, NON?
Pois se vos gusta a "nosa" historia, a "verdadeira", a historia local en contrapunto a esa historia oficialista, manipuladora e mentireira, aquí tedes o que estades buscando.

ALGUNHAS PISTAS QUE PODEMOS DAR.

Xa vos falamos da presenza deses dous membros da Alarma de San Antoíño na taberna de Xoana Riál un día antes da Reconquista da Vila de Vigo.

Ademais tedes que prestar atención ao Cristo de la Victoria, que é o fío conductor da novela, porque en Mós tamén temos o "noso" Cristo de la Victoria (na barrio dos Cabaleiros, Mós), consagrado á vitoria sobre os javachos despois daquela loita. Lembrade que o pasado mes de abril instalamos un panel informativo nas inmediacións do cruceiro que explica isto.

Panel informativo que instalamos este ano nas inmediacións de noso "Cristo da Vitoria".

Pois o dito, estamos moi ledos por todo isto e só nos queda recomendarvos a lectura desta novela "Os Fillos do lume" e a súa precedente "Os Fillos do Mar" para que poidades seguir o fío de Simón e Mariña, os personaxes principais. Porque ademáis da nosa historia, as dúas novelas visitan as rúas e arquitecturas de Vigo e outros lugares da nosas Rías Baixas nas trepidantes e ás veces divertidas correrías dos personaxes. 

Grazas Pedro Feijoo!

PLANO DO MERCADO PARA ARTESANS E PRODUTOS GASTRONÓMICOS 2017

Aquí tedes o plano da ubicación dos postos para mañán.

- Se houbera algún erro na distribución ou dificultade imprevista, a organización resolverá antes da montaxe.
- Lembradevos de traer una prolongación de corriente e os vosos propios sistemas de iluminación (que non poderán ser de consumo excesivo).
- Deberedes ter a documentación da vosa actividade a disposición da organización.
- Os premios do concurso de espantallos serán cheques de compra dos vosos produtos. Os gañadores elixirán onde gastar eses cheques pero so terán validez coa correspondente emisión dunha factura oficial.
- Por último queremos recomendarvos un repaso ás bases de participación (vestimenta, decoración dos postos, horarios de montaxe e recollida, etc,...) para que todo se desenvolva con normalidade e todos teñamos un día estupendo.

Moitas grazas por seguir confiando neste mercado de 1809.

PROGRAMACION IX edición ARDE O PAZO (ano 2017)

Xa temos aquí toda a programación, cos últimos cambios e retoques, para que non te perdas nada do que vai a acontecer o 22 de abril de 2017. Atentos ás novidades!, que son varias. Esperamos que vos guste e disfrutedes desta viaxe ao Mós de 1809.

-Ás 10:00h. OS MARQUESES DE MÓS  INAUGURAN O MERCADO DE 1809 (artesanía e productos gastronómicos).

DEMOSTRACIÓNS de OFICIOS TRADICIONAIS:

-Cestería viva con “Carliños Cesteiro” (patrocinado por VIVEIROS ADOA).

-Forxa co ferreiro David Correa (patrocinado por MEGALTA).

-Elaboración de “Corozas e Capelos” (patrocinado por Seguros ALONSO&SERODIO).

-Talla de madeira con Carlos Graña.

-Talla de Cristal con Eugenio

-OBRADOIROS PARTICIPATIVOS (alfarería con “Ricardo Aica” e coiro con Verónica Duarte).

E ademáis: Obradoiro de loita con Pau galaico-portugués. Clube FALCATA .

-DURANTE TODO O DÍA “MOSTRA DO IV CONCURSO DE ESPANTALLOS” da Parroquia de Mós.

-Ás 11:00 h. Actuacións / Mestura tradicional das Agrupacións “AS PEDRIÑAS” e “ABRENTE”.

-Ás 11:30 h. REPRESENTACIÓN 1: Os Marqueses de Mós COBRAN OS FOROS AO POBO. Os mosenses presentanse ante os Marqueses e o seu administrador para pagar estes tributos de 1809, que consistían en galiñas, cabras, millo, centeo, etc,… un carro de bois cargado de leña volverá a transitar pola Escocha!

Ata que aparecen as “Peixeiras do Berbés” (do grupo de teatro “Baluarte 1809” da AVV casco Vello de Vigo).

-Ás 12:00h. REPRESENTACIÓN 2: Chegan as tropas francesas do Xeneral Maucune, asaltan o mercado e o pazo de Mós apresando aos marqueses e á súa familia.

-Ás 13:00 h. REPRESENTACIÓN 3: o Caudillo da Alarma de San Antoíño , José Benito Bernárdez e o valente veciño de Petelos, Juan Araújo, chaman ao pobo para facerlle fronte aos franceses contradecindo a opinión do abade de Cela que aconsella aos vecinos fuxir aos montes.

-Chega o Frade Giráldez coas Alarmas de Pontesampaio e Casal do Eirixo (Valga) para dirixir a resistencia en toda a Louriña e preparar o ataque aos franceses.

-Ás 14:00h. XANTAR nas Tabernas e postos gastronómicos do mercado.

-Ás 17:00 h. REPRESENTACIÓN 4: Proclama do frade Francisco Giráldez, Comandante da Louriña que dirixe o ATAQUE NO AMIEIROLONGO á retagarda do exército francés.

- Ás 17:30 h. AFORCAMENTO DOS PRISIONEIROS FRANCESES.

-Ás 18:00 h. Grupo de baile “NOSA TERRA” de Pereiras “BAILE DOS ESPANTALLOS”.

-Ás 18:30 h. Animación de rúa e infantil.  PETER PUNK (no auditorio exterior).

-Ás 19:00 h. BAILE FRANCÉS: Obradoiro dirixido por Suso Monteira coa música de VIRAPÉ.

-Ás 20:00 h.  Animación de rúa e infantil. ASACOCIRCO Show (no auditorio exterior).

-Ás 21:00h. Entrega de premios do IV CONCURSO DE ESPANTALLOS (votación do público asistente e xurado nomeado pola organización).

-Ás 21:30h. Retirada do exército francés do xeneral Maucune fuxindo de Tui.

ARDE O PAZO

(Escenificación do incendio do pazo dos Marqueses de Mós provocado polos franceses cun espectáculo visual de efectos especiais).

A partir das 23:30h. Concerto dos grupos:

“ALGARABÍA” e “THE TURRE´S BAND”.

Grazas a tódolos patrocinadores (grandes e pequenos), aos colaboradores, ao público, aos artesáns, aos actores, aos espantallos, e a tódolos participantes que fan posible que ano tras ano fagamos todos xuntos esta viaxe ao noso pasado.

VIAXAMOS NO TEMPO

Non só ARDE O PAZO... en 1809 pasaron máis cousas en Mós.

Sería imposible cociñar todo isto sen contar con tódolos ingredientes que temos do acontecido en Mós en 1809. É por iso que este ano decidimos sinalizar outro dos episodios que viviron aqueles veciños da Louriña, colocando dous paneis informativos no barrio do Amierolongo.

Estes paneis están na antiga Estrada Real, antes XIX Vía Romana e despois Camiño Portugués de Santiago, ao seu paso por este barrio mosense.

O primeiro panel fala dos grandes penedos ou “moas”, que son a orixe do topónimo Mós, e do protagonismo que tiveron estas moles de pedra nesta parte da nosa historia. Quedou na Chan do Bosque, fronte á “Moa ou Penedo do Ruxecú”.

Primeiro panel, ubicado fronte á moa do "Ruxecú".

O outro panel, situado 100 metros máis ao norte, conta con máis detalle o ataque que sufriu a retagarda francesa dende o alto destas pedras que están á beira do camiño, cando se dirixían a Tui naquel 13 de abril de 1809). Tamén fala do incendio que os franceses provocaron na Capela de San Francisco cando se retiraban de volta a Pontevedra para non volver nunca máis ao sur de Galiza.

Descubrindo o segundo panel, no Barrio de Amierolongo.

Aquí quedan algunhas fotos da xornada e un pequeño video que de seguro axudará a comprender por qué aqueles mosenses escolleron estas moas para prepararlles unha emboscada.

Tedes toda a información neste mesmo blog nos datos históricos.

Foto de grupo ao pé dos penedos, ou moas, de Carracido.

cartel da IX edición "ARDE O PAZO, MÓS-1809"

Falta un mes e xa está aquí o cartel da IX edición.
Un gran traballo de Juancho, que foi quen de transmitir o que queremos e ao mesmo tempo darlle visibilidade a unha das novidades deste ano.

Estade atentos! que mañán contaremos un pouco máis.

PROGRAMACIÓN 2016, CARTEL DEFINITIVO e plano d'A ESCOCHA.

Pois aquí temos -despois de moito traballo- o cartel definitivo deste ano, a programación e o plano d'A Escocha.

Moitas grazas a tódolos patrocinadores!
E a todos aqueles veciños, asociacións, artesáns, entidades e público que colabora e participa en ARDE O PAZO dende a 1ª edición.

A Programación, da que iremos debullando os detalles no facebook.

E o plano d'A ESCOCHA. Así é como se chamaba este lugar antes de que os marqueses de Mós decidiran construir aquí o seu pazo.

REFORZOS PARA BOTAR AOS FRANCESES

Esta ano recibiremos reforzos para loitar contra os gabachos.

Contaremos coa presenza dun excepcional corpo do exército.

E unha nova Alarma que se sumará aos de Pontesampaio! 

Quen serán estes arroutados galegos?

E ti, virás a botarnos unha "mahou"?

* Este ano Mahou é patrocinador especial de ARDE O PAZO

PRESENTAMOS O CARTEL DESTE ANO E AO NOVO PATROCINADOR DA FESTA

Pois aquí temos dúas boas novas!

por un lado temos o cartel deste ano!

e por outro lado presentamos a un novo patrocinador!

E mañán? 

Mañán máis... 

esperamos que vaian confirmando outros patrocinadores

pero mañán daremos un avance da programación A 

porque hai outra programación B,... que será, será?

I-MÓS QUENTANDO

Pasou o Entroido e xa estamos con tódolos sentidos postos no 16 de Abril, que é o día que o exército de Napoleón queimará o Pazo de Mós este ano.

Para ir quentando, imos publicar unhas fotos que nos fixo o noso colaborador "Franchu" (do Comando Celta) na Reconquista da Vila de Vigo o ano pasado.

E tamén unha das cousas que máis estades demandando a través do facebook:

As BASES DE PARTICIPACIÓN NO MERCADO DE 1809

Animamos aos novos...

... e aos vellos

aos máis antighuos!

a sumarse a esta loita

por recuperar a nosa historia.

a da Alarma de San Antoíño

que asaltou a porta da Gambóa

Dándolle duro aos gabachos.

que non quede ningún!!!

Máis leña para queimar o Pazo de Mós.

Máis leña para queimar o Pazo de Mós.

                                   O Concello de Mos e un grupo de veciños que forman a “Alarma de San Antoíño”, reforzan a organización da 7ª edición de ARDE O PAZO, coordinada pola Asociación Cultural Festa da Prehistoria. Por iso pensamos que este ano, ao haber máis leña, o pazo arderá mellor.

                O pasado martes o Pazo de Mós acolleu unha xuntanza con outras asociacións do concello, que serviu para facer un adianto da programación desta festa que o próximo 11 de abril recreará o paso dos exércitos napoleonicos polo Val da Louriña en 1809.

foto:  Personaxes principais e membros da Alarma de San Antoíño. Empezaron participando na festa e agora forman parte da organización

O campamento.

                Unha das novidades máis importantes desta edición é a instalación dun campamento nas inmediacións do pazo, que acollerá en casetas individuais ás asociacións e grupos que así o soliciten. Deste xeito tratamos de facilitar a xornada festiva aos participantes nas representacións teatrais.

Queremos lembrar que a participación é aberta para novos grupos ou persoas que, de xeito individual, queiran participar nas recreacións. O único requisito é acudir ao último ensaio xeral que será o domingo 5 de abril, ás 17.00 h. no Pazo.

 Podedes apuntarvos en festadaprehistoria@gmail.com.

Un autobús para reconquistar Vigo. Domingo, 29 de marzo.

 

                A nosa participación na Festa da Reconquista de Vigo serve de homenaxe aos mosenses que participaron no asalto á porta da Gamboa en 1809. Para que este episodio non caia no esquecemento, un ano máis, o día 29 de marzo, un autobús sairá de Mós ás 15:30h. para representar aquela “Alarma de San Antoíño” comandada polo frade “Francisco Giráldez”.

 O prezo viaxe é de 3 € (ida e volta) e todos aqueles que queiran asistir deberán vestir con traxe tradicional e apuntarse en festadaprehistoria@gmail.com. ou no telf: 673 54 84 85.

 

 Programación

11 de Abril de 2015.
 

- Ás 10:00 h. OS MARQUESES DE MÓS  INAUGURAN O MERCADO DE 1809..

             

   Artesanía, produtos gastronómicos, tabernas e furanchos.

- Ás 10:30 h. DEMOSTRACIÓNS E OBRADOIROS DE OFICIOS TRADICIONAIS.

O ferreiro David Correa, o alfareiro Ricardo "Aica", os telleiros do Rosal, as Corozas de Lola, as Palilleiras de San Martin de Tameiga, a talla der madeira de Carlos Graña, e algunha cousiña máis.

- Ás 11:00 h. Actuacións / Mestura tradicional das Agrupacións
 “AS PEDRIÑAS” de Tameiga e “ARUME” de Guizán.

- Ás 12:00h.  REPRESENTACIÓN 1: Chegada das tropas francesas.
-Proclama do frade Francisco Giráldez, COMANDANTE DA LOURIÑA.

- Ás 14:00h. XANTAR Tabernas e furanchose postos gastronómicos do mercado.

- Ás 15:30 h. Animación de rúa. “TREBOADA DO BAIXO MIÑO”.

- Ás 16:00 h. Animación infantil.  ROI CAGABOLAS.

- Ás 16:30 h. REPRESENTACIÓN 2: “O ataque no Amieirolongo”
Os guerrilleiros da Louriña atacan á retagarda do exército francés.

-Ás 17:00 h. Grupo de gaitas e baile “A NOSA TERRA” de Pereiras.

-Ás 18:00 h. AFORCAMENTO DOS PRISIONEIROS FRANCESES.
- Ás 19:00 h. BAILE FRANCÉS: Obradoiro con Suso Monteira e
MÚSICA de Luis Peixoto e Fernando Barroso.

- Ás 21:30h. MAXIA NA RÚA: O MAGO MARCO.
- Ás 22:00h. Retirada do exército francés fuxindo de Tui

QUEIMA DO PAZO DOS MARQUESES.

(Espectáculo de efectos especiais na fachada do pazo).

 - Segunda sesión: O MAGO MARCO.

                                                                                                                                                                         

- A partir das 23:30 h. ACTUACIÓN MUSICAL.

Quempallou

Organiza:

Asociación Cultural “Festa da Prehistoria”, Alarma se San Antoíño, Concello de Mos.

ARDE O PAZO 2015 (VII Edición)

 

Xa estamos na VII edición. O cartel deste ano está inspirado neste logo de promoción turistica que ten o concello de Mos, co slogan:

A ROSA DO CAMIÑO,..

Unhas modificacións para adaptalo ao acontecido en abril de 1809 no Val da Louriña en todo o percorrido daquel camiño real que comunicaba Tui (capital de provincia) con Santiago,....

LUME NO CAMIÑO,...

 Que este ano celebramos o 11 de Abril,...

...ide preparandovos.

Se queredes participar no mercado,... Xa podedes apuntarvos, aquí están as bases de participación.

Proximamente confirmaremos toda a programación e as posibilidades de que , como grupo, participedes activamente nas representacións e ocupando un sitio no campamento.

PROGRAMACIÓN 2014 ( 6ª EDICIÓN)

 

Atentos que as actividades comezan o

DOMINGO 6 DE ABRIL

- Ás 10:00 h. ROTEIRO HISTÓRICO POLA TOPONIMIA DA PARROQUIA DE MÓS.

Con punto de saída no Pazo percorreremos parte da Parroquia de Sta. Baia de Mós.
Pasaremos polos lugares que aínda hoxe en día seguen a falarnos da nosa historia.
Descubriremos como vivian os mosenses de 1809.
E para finalizar o percorrido (12:30h. aprox.) temos a última sorpresa:

o que queda da pedra fundacional da Parroquia e quen sabe si do propio pazo.

                                             

- Ás 16:30 h.  ÚLTIMO ENSAIO XERAL.

- Ás 20:00 h. CHARLA - COLOQUIO 
 

do escritor e xornalista  EDUARDO ROLLAND.

SÁBADO 12 DE ABRIL

-Ás 10:00 h. OS MARQUESES DE MÓS INAUGURAN O MERCADO DE 1809.

- Ás 10:30 h. DEMOSTRACIÓNS E OBRADOIROS DE OFICIOS TRADICIONAIS.

- Ás 11:00 h. Mestura tradicional da Agrupación “AS PEDRIÑAS”.

- Ás 12:00h.  REPRESENTACIÓN 1:

Chegan as tropas francesas do Xeneral Maucune.

-Ás 13:30 h. Proclama do frade Francisco Giraldez, Comandante da Louriña.

- Ás 14:00h. XANTAR nas tabernas e furanchos do mercado.

- Ás 15:30 h. Animación de rúa.

“TREBOADA DO BAIXO MIÑO”.

VIRAVOLTA TÍTERES - O CEGO DOS MONIFATES.

 Ás 16:30 h. REPRESENTACIÓN 2:

Os guerrilleiros da Louriña atacan á retagarda do exército francés.

-Ás 17:00 h. Grupo de gaitas e baile “A NOSA TERRA” de Pereiras.

-Ás 18:00 h. AFORCAMENTO DOS PRISIONEIROS FRANCESES.

- Ás 19:00 h. Obradoiro de BAILE FRANCÉS con Suso Monteira.

- Ás 21:30h. Retirada do exército francés fuxindo de Tui.

QUEIMA DO PAZO DOS MARQUESES DE MÓS.

- A partir das 22:30h. Concerto do grupo de música tradicional:

PELEPAU